Joan zen astean Italia aldetik ibili baginen ere, baina oraingo honetan Mediterraneo itsasoaren inguruetatik ez mugitzea pentsatu dugu. Global Musik saioan Valentziako Erkidegoan izan gara, Espainiako estatuko ekialdeko autonomia erkidegoan zehazki. Alacant, Castelló eta Valentzia probintzietan entzuten den musikari egin nahi izan diogu tartea oraingo honetan gurean. Datozen asteetan berriz Katalunia aldetik ibiliko gara bertako estiloak ezagutu ahal izateko.