Lehia estua izango da Maulen igandeko udal hauteskundeetan

Maulen lehia estua espero da igandeko udal hauteskundeetan. Emaitza estuak utzi zituen lehen itzuliak: Louis Labadot komunistaren zerrenda izan zen garaile bozen %37,6arekin. Bigarren, Michel Etxebest geratu zen, egungo auzapeza, %33,4rekin eta hirugarren Beñat Elkegarai abertzalearen Aitzina Maule zerrenda, bozen %28,9arekin. Azken honekin izan gara gaur Informazioaren Harian.

Loading player...
Naiz Irratia|2020/06/26
Ben%cc%83at_elkegarai
Beñat Elkegarai, Aitzina Mauleko zerrendaburua

Mauletarrek aldaketa nahi dutela esan digu Elkegaraik eta, oro har, pozik mintzatu da abertzaleek Zuberoako hiriburuan lortutako emaitzekin. Mauletik harago, abertzaleek lehen itzulian lortu zituzten datu onak ere nabarmendu ditu.

Aliantzak sortu asmoz. azken asteetan Louis Labadot komunistaren zerrendarekin elkarlanean aritzea saiatu direla azaldu du Aitzina Mauleko zerrendaburuak, baina ezinezkoa izan dela segurtatu du, besteak beste, euskararekiko duen jarreragatik. Euskararen edo abertzaletasunaren aurkako mezuak izan badira oraindik hainbat indar politikoren aldetik, baina Elkegaraik uste du indarra galtzen ari direla. Nolanahi ere, Labadotek ez, baina gainerakoek euskararen aldeko jarrera dutela azaldu du. Aitzina Maulerentzat, bederen, gai garrantzitsua dela ziurtatu du.

Igandeko zitari begira, Maulek eta bertako herritarrek gaur gaurkoz dituzten erronka nagusien inguruan azalpen zabala eskaini digu gure gaurko gonbidatuak. 

FM Bilboaldea 92.2 · Gasteiz eta Lautada 91.5 · Donostialdea 93.8 · Durango 97.4 · Gernika 96.7· Leitza 95.1 · Bortziriak 103.1 · Urola 91.8 · Goierri 102.2 · Legazpi 94.6
@NAIZIrratia