Zuzenean
Halabeharrez eguneroko jarduna eten eta «segurtasunaren eta arduraren» izenean bertan behera utzi zuten Ernai eta Aitzina antolakundeek BidEHbat ekimena. Uxue, Erriberri eta Tafallan «harremanak eta komunitatea lantzeko plaza» sortzea zuten asmoa; bidenabar, eskaintza politiko eta kulturalarekin zipriztinduko ziren bertaratutakoak. Izar Hernando Ernaiko bozeramaleak dioenez, «harremanen faktorea beste plano batean utzi eta egitarauarekin aurrera jarraitzea erabaki genuen, egitarau murriztuarekin». Eskaintza politiko eta kulturalari eutsi diote. «Egoera honek hitzaldi eta formakuntzarako tartea ematen du eta eskaintza kulturala ez da soilik denborapasa bat, ekarpen politiko garrantsitsua egiten du».
Ia egunero egitura antzekoa izango du, ostiralean ezik. 18.00etan hitzaldiak emango dira eta 19.30ean kultur eskaintza. Ekitaldiak gaurtik -apirilaren 8tik- hilaren 11ra bitartean antolatu dira. Eta igandean, berriz, Euskal Herria Batera dinamikak deitutako Aberri Egunean parte hartzera deitu dituzte gazteak.
Ekitaldi guztiak labur.eus/bidehbat weborriaren bidez jarraitu ahal izango dira.