Elazar Lersundi: «Begirada bat nahikoa izan zen. Isilik ez, tabu ez. Hau hitz egin behar da»

Bilbon ospatzen den Zinegoak jaialdia ‘Mi pequeño gran samurai’ film laburrak irekiko du. Ikus-entzunezko lana Ekai Lersundi, bere buruaz beste egin zuen gazte transexualaren ingurukoa da. Bere aita Elazar Lersundi Naiz Irratian izan da eta filma «erreminta bat» izatea espero duela aurreratu du. 

Loading player...
Naiz Irratia|2020/02/24
Int20190216024316
Ekai Lersundiri Ondarroan egindako omenaldia. (Aritz Loiola|Foku)

«Guztiok batera ikustea nahi dugu. Denok batera sentitzea». Gertukoenek ere ez dute ikusi 2020ko Zinegoak irekiko duen 'Mi pequeño gran samurai', Ekai Lersundi zenaren istorioa kontatzen duen filma. Elazar Lersundi aita izan da NAIZ Irratian eta azaldu du filma «erreminta bat» izatea nahi dutela. 

Suizidioa oraindik ere gizartean tabu gaia dela azpimarratu du Lersundik, «norbaitek nahi badu, hemen gaude edozertan laguntzeko». Normalizatu beharreko kontua dela uste du Lersundik. Naizen adingabe transexualen gurasoen elkarteak egindako lana ere azpimarratu du. «Gauza batzuk badoaz aurrera, ez guk nahi genukeen martxan, baina bagoaz apurka apurka». Lersundik argi utzi nahi izan du semeak bere buruaz beste egin eta lehen momentutik erabaki zutela gurasoek isilik ez geratzea, «begirada bat nahikoa izan zen. Isilik ez, tabu ez. Hau hitz egin behar da». Herritarrengandik eta gizartearengandik jasotako babesa ere izugarria izan dela adierazi du Lersundik.

Semea nolakoa zen galdetutakoan borrokalaria eta indartsua zela adierazi du aitak. Aipatu du eman ziotela aukera Bartzelonan tratamendua jasotzeko, baina Ekaik berak ez zuela nahi izan. Semeak argi omen zuen Euskal Herrian prozesu horiek azkartzea nahi zuela, eta berak hemen bertan jaso nahi zuela tratamendua. 

Pelikulak antzeko egoeran egon daitezkeenei laguntzeko balio izatea espero dutela azaldu du Lersundik. 

 

ERLAZIONATUTAKO ALBISTEAK

FM Bilboaldea 92.2 · Gasteiz eta Lautada 91.5 · Donostialdea 93.8 · Durango 97.4 · Gernika 96.7· Leitza 95.1 · Bortziriak 103.1 · Urola 91.8 · Goierri 102.2 · Legazpi 94.6
@NAIZIrratia