«Izan zaitezke heterosexuala eta feminista?»

Euskal Herriko V. Jardunaldi Feministetan, Sare Lesbianista kolektibotik bota zuten galdera probokatzailea da. Emakume cis eta heterosexualak interpelatu nahi izan zituzten hala. Maddi Txintxurreta lankideak elkarrizketatu du Leire Gomez, Sare Lesbianistako kidea.

Loading player...
Naiz Irratia|2019/11/04
Etx_191102_899670
Euskal Herriko Mugimendu Feministak jardunaldi nazionalak egin ditu durangon. Tailerrak. (Jon Urbe))

Galderaren erantzuna argia da Sare Lesbianistarentzat: «Ez. Guretzat argi dago ezetz. Betidanik, feminismoak egin izan duena da heteroarauaz hitz egin, heteropartriarkatuaz. Bi termino hauekin, badirudi bolleren politikotasuna txertatuta dagoela iada feminismoaren barruan, baina gure praktikak ikusten baditugu, teoria da bakarrik. Hori ondo dago, baina hurrengo aurrerapausua da, norbere sexualitatea kolokan ipintzea eta heterosexualitate normatiboa deseraikitzea» azaldu du Gomezek.

Ugari izan dira, Jardunaldi fministetan, emakume batzuek besteei egindako interpelazioak: bazterretan dauden gorputzetatik, hegemonia errepresentatzen duten gorputzekiko deiak. Interpelazio hori guztiz beharrezkoa dela dio Gomezek, «errealitateak zeintzuk diren entzun eta horien zilegitasuna aldarrikatu behar dugu. Feminismoan, historikoki beti egon dira momentu deserosoak, kolokan jartzen dituztelako gure hausnarketak. Hori da eboluzionatzea, aurrera egitea».

Mugimendu Feministaren baitan, Sare Lesbianistarena bezalako erradikaltasuna aldarrikatu du Gomezek, etengabe eboluzionatu nahi bada: «Bollera erradikalak bagara, zentro hori beti kolokan jarriko dugu. Ez dugu zentroa izan nahi, ez dugu hegemoniko izan nahi. Beste ertzak ere kontuan hartzea nahi dugu».

ERLAZIONATUTAKO ALBISTEAK

FM Bilbo 92.2 · Urola 91.8 · Goierri 102.2 · Donostia 93.8 · Leitza 95.1 · Gasteiz 91.5 · Bortziriak 103.1 · Gernika 96.7
@NAIZIrratia