Ianire Aranzabe «Hitzez transmititu ezin dudana abestiekin esaten dut»

'Esanezin' proiektua 2019ko udan sortu zen. Ianire Aranzabek (Altzagarate, 1999) eta Oriol Floresek (Bartzelona, 1979) osatzen dute. Hauek Ianireren lehen urratsak dira musikan, Oriolek berriz esperientzia handia du musikari gisa. Orain, elkartuta, hitzez esan ezin direnak kontatzen dituzte abestietan. Momentuz, bi abesti argitatu dituzte, baina helburua estudioan sartu eta lau abesti gehiago sortzea da, EP bat argitaratzeko. 

Ostegunean Crowfounding kanpaina martxan jarriko dute diskoa osatzeko dirua lortzeko. Hori guztia azaltzeko, Ianire Aranzabe izan dugu estudioan eta Oriol Flores telefonoaren beste aldean.