Francok izendatu zuen Juan Carlos Borboikoa bere oinordeko. Hala baieztatu zuten korte espainiarrek 1969an eta hala aitortu zuen Borboiak berak Franco hil zenean. Oinordetzan aginte makila ez ezik, frankismoaren amaierako krimen larrienak ere hartu zituen eta horren adierazgarri da 1975eko urriaren 1ean, Txiki eta Otaegi fusilatu eta lau egunera, Francoren alboan irten zela Madrilgo Oriente plazan hilketa haiek aldarrikatzera (bideoan ikusgai). 

Haustura ala erreforma podcastaren azken atalean oinordetza nola eman zen aztertuko dugu, frankismoaren jarraipen horren aurka une hartan eta ondorengoetan izan den salaketa ere gogoratuko dugu; 78ko erregimena deitu denaren ezaugarri nagusiak azalduz. 

> Haustura ala erreforma podcasta