Maiatzaren 13an Eider Saez, Nøgen taldeko kantari ohia eta gaur egun Eider bere bakarkako bidea egiten ari den kantariaren urtebetetzea izan zen. Egun berean, baina 1950ean jaio zen Michiganen musikaren ikono horietako bat: Stevie Wonder. 1897ko maiatzaren 14an jaio zen New Orleansen Sidney Bechet. 1953ko maiatzaren 15ean jaio zen Mike Oldfield, Ingalaterrako Reading hirian. 1953ko maiatzaren 16an zendu zen Django Reinhardt jazz gitarjole garrantzitsua, Frantzian.

Egun horretan, baina 13 urte beranduago, 1966an, "Pet Sounds" argitaratu zen, Beach Boysen lan gorena eta pop musikaren historian eragin eta gorespen handiena izan duen albumetako bat. Amaral-en izen bereko lehen EPa, 1998ko maiatzaren 18an kaleratu zen. Eva Amaral eta Juan Aguirrek osatutako bikotearen hasiera diskografikoa markatu zuena. 2017ko maiatzaren 18an zendu zen Chris Cornell, grungearen ahots nahastezin eta Soundgarden talde enblematikoaren liderra.