En directo
«Festa bat gurekotzeko, gurean sustraiak topatu behar dizkiogu»
Duela gutxi ospatu den Halloween festaren inguruan aritu zaigu Juan Inazio Hartsuaga antropologoa Bigarren Kafean. Jai horrek gurean dituen erroen inguruan aritu da eta «kanpoko zerbait gustatzen zaigunean gurearekiko lotura bat bilatu beharra sentitzen dugula» adierazi digu.
«Festa bat gurekotzeko, gurean sustraiak topatu behar dizkiogu»
Halloween jaia AEBetatik dator eta Irlandar emigranteek eraman zuten bertara. Festa horren jatorriaren inguruan Samhain ospakizuna egon daitekeela dio Hartsuagak. «San Simon eta San Judaren pare jarriko genuke. Negua eta uda banatzeko. Jentil aroan uda lanerako garaia izaten zen eta negua atsedenerako». Jentil aroan hildakoak etxekotzat hartzen zirela gaineratu du eta festan sartzen zirela. «Hildakoekin dagoen etxekotasun hori dago Samhainen jatorrian».
Hildakoak beldurgarri diren kultura batean hildako horiek festara gonbidatzea, hildakoak goxatzeko ahalegin modura ikusten du Hartsuagak eta hori dela gugana heldu dena. «Beldurra eragitea da Halloweenen ardatza. Horrek ez du gure aspaldiko jatortasunarekin zerikusirik».
Entzun Juan Inazio Hartsuagarekin Bigarren Kafean izan dugun solasaldia.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
