Ez dugu nolanahiko 'Reggae Fever' saioa izan ostegun gau honetan Naiz irratiaren uhinetan. Saioaren hasiera calypso musikaz busti dugu, eta ondoren BBC kateak ekoiztutako bi lan izan ditugu mintzagai. Alde batetik, 'Small Axe' telesail famatua, eta bestetik, atera berri den '2-Tone: The Sound of Coventry' dokumentala. Biak musikaz blai daudenez, haien soinu bandak entzuteko aukera ere ondo baino hobeto aprobetxatu dugu. Amaitzeko, Ska Mag aldizkariaren bigarren aleraren promoa eta 'Jatorrizkoa eta Moldaketa' atala. Reggae Sukarra ona da!