En directo
Musika berrikuntzen harira nerabeen telesailez ere aritu gara Izkander Fernándezekin
Kantuen hariari tiraka hasi eta nerabeen telesailen munduan bukatu dugu aste honetan Izkander Fernándezek MusikHaria saioan egiten digun tartean. Umoretsua izan da aste honetako tartea.
Musika berrikuntzen harira nerabeen telesailez ere aritu gara Izkander Fernándezekin
Batzuetan badakizu zerbait nola hasiko den baina ez nola bukatu. Horixe gertatu da aste honetan MusikHaria saioan Izkander Fernandezek egiten duen tartearekin. Lemoako musika adituak hiru berrikuntza ekarri dizkigu eta kantuen harira hainbat gauza jorratu ditugu. Izan ere kantuetako batek joko dezente eman du beste gauzez ere hitz egiteko. Rage Against The Machine taldeari buruzko dokumentala kalean dela edota nerabeen telesailen inguruan ere hitz egin dugu The Pretty Reckless taldearen azken kantuaren aitzakian. Hona hemen aste hoentako aukeraketa:
– Eneritz Furyak - Junco
– The Pretty Reckless - And so it went (Ft. Tom Morello)
– NRCSSST - Sinking
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
