Kera Emakume Ijitoen Elkartea da. Gipuzkoan zehar lan egiten dute, Ijito Herriaren, eta bereziki emakume Ijitoen bizi-baldintzak hobetzeko. Hainbat izaten dira aurrera eramaten dituzten proiektu eta ekintzak, eta horietako baten 5. edizioa antolatu dute urriaren 7, 8, 9, eta 10rako. 'Topaketa pedagogiko eta feministak, emakume Ijitoekin' izenburupean, egitarau potoloa prestatu dute.

Palmira Dualek, Kera Elkarteko kideak, azaldu duen moduan, «Kera Erromintxelaz, etxea da, eta Kera etxea da emakume guztiontzat». Aurtengoan 600 urte betetzen dira Ijito Herria Iberiar Penintsulara iritsi zenetik. Eta hori gogoan hartuta egitarau oparoa antolatu dute, gerturatu nahi duen edonorentzat.