Live
«Burujabetzetatik burujabetzara» ekarpena eginez, hazten eta sendotzen ari da Udalbiltza
2024an bat egindako 13 udalerriekin, guztira 82 kidek osatzen dute Udalbiltza. Herri berrien inkorporazioa Udalbiltzak egitasmoa orainari eta etorkizunari begira birformulatzeko emandako hausnarketak indartzen dituela berretsi du Haritz Alberdi partzuergoko lehendakariak.
«Burujabetzetatik burujabetzara» ekarpena eginez, hazten eta sendotzen ari da Udalbiltza
Atxondo, Azpeitia, Bergara, Iturmendi, Lekeitio eta Lesaka dira Udalbiltzara batu diren azken sei herriak. Pasa den ekainaren 7ko ez ohiko Kontseilu Nagusian bat egin zuten partzuergoarekin herriok. Urtarrileko Kontseilu nagusian batu ziren beste zazpiak kontuan harturik, 13 dira 2024an Udalbiltzako proiektura batu diren udalerriak. Guztira, 82 dira une honetan kide. Hazten eta sendotzen ari den egitasmoa denaren seinale, Haritz Alberdi Udalbiltzako lehendakariak NAIZ irratiari azaldutako moduan.
Leire Goenaga Azpeitiko eta Eneko Fernandez Lesakako zinegotziek bat egin dute Udalbiltzarekin bat egitearen ekarpenen inguruan. Aldi berean, biek azaldu dute aurrez lankidetzan aritu direla partzuergoarekin eta beraz, urrats naturala izan da kide izateko urratsa ematea.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Igo berriak izanda, ez dugu batere erraz edukiko. Aldaketa asko izan ditugu, baina ondo gaude»
«Epe luzera ari naiz lanean, nire bertsiorik onena topatu nahi dut zazpi-hamar urtera»
«Ibilbidea amaitzen duzunean, zerekin geratzen zara? Gaurkoa bezalako esperientzia batekin»
