Iritsi gara gure udaberri berezi honen azken saio berezira. Asko izan dira azken asteotan saioan izan diren DJ eta zigiluak, eta gaur, kontuak biribiltzeko, Bergaran eman dugu gaua. Hasteko ‘Keep A’ DJ eta lagunak kasete formatuan grabaturiko ordu erdiko set txiki eta eder bat bidali digu non folka, sehaska kantak, koruak, sintetizagailuak eta beste abar luze bat nahasten diren. Gozada bat. Saioaren bigarren tartean Bergaran jarraitu dugu, bertako ‘Haus Of Beats’ zigiluak kaleratu duen azken EPa entzuteko. A-Tweed eta Oltrefuturo Erromako ekoizlen Echinopsis izeneko lana hain zuzen. Datorren astean nobedadeetara bueltatuko gara! Mielesker aste honetan gurean izan zareten guztiei!