Udaberri honetan izan ditugun saio berezi sortaren ostean normaltasunera itzuli gara ∫atelitean aste honetan. Aspaldi ez bezala, nobedadeekin bete dugu gaurko saioa, Euskal Herrian hasita noski eta ondoren kanpora begira. Eneritz Furyaken Emazkidan erremixen bildumarekin zabaldu dugu gaurkoa eta Hazi Esporak Bilboko zigilutik datorkigun bigarren erreferentziarekin, hau da, Miguel A. Garciaren Oppolumuni lanarekin jarraitu. Ylia ekoizlearen lan berritik aurrerapen kantu bat entzun dugu baita Y dvst eta Mans O musikarien material berria. Canela en Surco zigiluko lagunen azken lana ere ezagutu dugu gaur, Pedro Ricardo eta Damián Botiguék sinatzen duten "Un Nuevo Amanecer" diskoa. Saioaren azken tartean dantzagarriago jarri da kontua Orion Agassi, Whodamanny eta Madrid 79 artistekin.