«Aktore izatearekin amets egitea zirraragarriagoa da aktore izatea baino» esan omen zuen Marilyn Monroe aktoreak. Hari horretatik tiraka, 'Esnatu' izeneko ipuin erotikoa idatzi du Maialen Lizarralde Altunak. 

Ametsen kontzeptuarekin jolasean osatu du kontakizuna Lizarraldek; «Zati batzuk autobiografikoak izan daitezke; entzuleak ikusi beharko du zerekin geratzen den» esan digu. Leire izeneko neska bat da protagonista; «Harremanetan bi plano daude; errealitatearena eta fantasiarena». 

'Firfiran' Bigarren Kafea saioaren podcast umela da; Kaixomaitia.eus -euskaldunon harremanetarako gunea- webgunearekin elkarlanean sortutakoa. Hamabostean behin, atal berri bat egongo da entzungai.