Ez genuen askok pentsatuko irrati abentura hasi genuenean, 100 edizio ospatuko genituenik, baina tira, espero baino azkarrago iritsi zaigu efemeridea. Hain garai ezegonkorretan, benetan estimatzekoa baita proiektu iraunkorrak aurrera eraman ahal izatea. Zifra honetara iristea ezinezko litzaiguke gure gonbidatu, kolaboratzaile, DJ eta lagunen partaidetzarik gabe. Orain arte gure ∫atelitean izan dira: This Ist, Arizonako Billy, Harry Kozkor, Frances Be, Antton Iturbe, Tuber, Makala, Iñaki Egitegi, Putxero Sonidero, Alvva, Lehior, Abaunz, Marmo, Ene!, Xiarroman, Anwolt, Ines, Peio Erramouspe, Northasuna, Keep A, Balza, Snoid Jauna, Kimo, Fermin Muguruza, Gela, Eenyakee, Orphidal, Chirie Vegas, Madame Excuse, Dj Budin, Bihotza, Cubo, Dj - F, UVE, System Update, Sara Goxua…

Seguru nor edo nor ahaztu zaigula zerrendara batzea, beraz barkamenak aldez aurretik! Aste honetan burutu dugun ehungarren saioan, gure gonbidatu hauen ahotsak oroitzeko aprobetxatu nahi izan dugu. Guztiei bihotzez eskertzeko aprobetxatu nahi izan baitugu, eta ea laster izen berri gehiago gehitzen ditugun zerrendara. 101. saioan jarraituko dugu elkar entzuten! Biba zuek!