Apirilaren 3an Sevillako La Cartuja estadioan Errege Kopako finala jokatu baino astebete lehenago, Euskal eSports Txapelketako finala jokatuko da Twitch-en. Euskal Autonomia Erkidegoko lehen kopa digitala da, eta urteko ekitaldirik ikusgarriena euskal gamer futbolzaleenentzat. Ekimena Forzium-ek antolatu du Guuk telekomunikazioen euskal enpresaren laguntzarekin, eta hain zuzen, NAIZ Irratian izan dugu Juan Beitia Guuk enpresako marketing digital arduraduna.

Beitiak azaldu duenez, «parte hartzaileek elastiko txuri-urdina edo zuri-gorria defendatzeko aukera» izango dute, Martxoaren 19tik 25era jokatuko dira kanporaketak eta finala hilaren 27an izango da. Gaineratu du, Ander Cortés streamer bilbotarrak, Ibai Llanosen bikotekideak, egingo dituela esatari-lanak martxoaren 27an jokatuko den final handian. Guuk-ek, bere partetik, «merkatuko zuntz azkarrena eta 5G teknologia mugikorra» jarriko ditu jokalarien eskura, Beitiaren hitzetan.