Bigarren denboraldiko bigarren saio honetan, nobedade zenbait ekarri dizkizuegu lehen zatirako. Amoranteren lan berriaren aurrerapena Forbidden Colours zigiluaren eskutik, Kastil Gasteiztarraren techno hotsak, Cora Novoa Galiziarra... Hip Hopak ere izango du bere txokoa Erik Urano eta Chacho Brodasen azken lanak entzuteko eta Dorian Concept eta Hudson Mowahk ekoizleen azken materiala ere ipiniko dugu.

Saioaren bigarren zatian aldiz, denboraldiko lehen mixa entzungo dugu gure dj gonbidatuarekin. Aste honetan Balza jarri da saioaren kontrolean eta mix benetan elegantea utzi digu gurean. Haus of Beats irratsaio eta zigilu Bergararreko kideak dantzarako gogoekin utziko gaitu saioa amaitzerako... Gozatu!