Lana eta musika bi mundu desberdin direla pentsatzen ahal dugu, baina historian zehar pertsonak lanean ere kantatu izan du: itsasoan, soroan, ehunak lantzen, meategietan edota fabriketan.

Batzuetan, lanaren erritmoa markatzeko; bertze batzuetan, nekea arintzeko, eguneroko bizimodua kontatzeko edo lan baldintzak salatzeko.

Atal honetan munduko toki eta garai desberdinetan barna bidaiatuko dugu, lanetik sortutako kantuen eta lanaz hitz egiten duten kantuen istorioak ezagutzeko.