Unai Amianok hasieratik erakutsi du maila handiko pilotaria dela. Profesionaletara jauzia egin zuenetik, joko sendoa, heldutasuna eta norgehiagokak irakurtzeko gaitasun handia erakutsi ditu. Buruz Buruko Serie Bko txapelketan egindako bidea perfektua izan da: neurketa guztiak irabazi izan ditu eta finalean ere nagusitasunez aritu zen Ander Muruaren aurka.

Irunen ilusio berezia piztu du gaztearen arrakastak, lehen urtean bi final eta txapel bat. Lehen urtean lortutako emaitzek pilotazale askoren arreta bereganatu dute dagoeneko. «Helburua beti gora iristea da, baina ez da presarik izan behar», azaldu digu irundarrak.