Naiz Irratia|02/07/2020

Siemens Gamesak Agoitzen duen lantegia ixteko erabakiak 239 langile eta euren familiak ziurgabetasun egoeran utziko dituzte. Kezka ez dute ezkutatzen Udalean, aurrez ere zailtasun ekonomikoetan den herriaren egoera are gehiago konplikatuko duelakoan. Irtenbideak erdiesteko bidean, multinazionalarekin eta Nafarroako Gobernuarekin hartu-emanetan direla kontatu du Aitziber Ugalde zinegotziak Naiz Irratian. 

Loading player...
Naiz Irratia|02/07/2020

Siemens Gamesaren Agoitzko lantokiaren itxierak gogor astindu du herria. 239 langile kaleratuko dituzte, baina ondorioak, eskualde osoan sumatuko dituzte. Itxierak ezustekoan harrapatu ditu sindikatuak eta erakunde publikoak, erabakia bat batekoa izan delako. Hala kontatu du Peio Igeregi ELAko Industria arloko arduradunak Naiz Irratian. 

Loading player...
Amaia Zurutuza|02/07/2020

Bi erabaki hartu zituen atzo Frantziako Dei Auzitegiak Josu Urrutikoetxearen kasuan; bere askatasuna ebatzi zuen eta Espainiaren euroaginduetako bat ez onartzea erabaki zuen. Bigarren honek, bereziki, esperantza sortu du Urrutikoetxearen inguruan, Espainiatik abiatutako ofentsiba juridikoa erorrarazteko urrats garrantzitsua izan daitekeelako.

Loading player...
Iker GURRUTXAGA|02/07/2020

NAIZ Kontzertuen lehen bost emanaldietako azkena izango da ostiral honetan Bilboko Santana 27 aretotik En Tol Sarmiento taldeak eskainiko duena. Bigarren txanda ere prest da dagoeneko, ordea. Hori bai, aldaketekin dator, «eredu mistoa» izango dute. Orain arteko balantzea eta aurrera begirako asmoez aritu da Musikharian Asier Iñigo, NAIZeko marketin arduraduna.

Loading player...
NAIZ IRRATIA|01/07/2020

NAIZ Kontzertuen lehen fasea istera dator ETS ostiral honetan. Iñigo Etxezarreta da taldearen arima eta NAIZ Irratian aritu da En Tol Sarmientok izan duen garapenaz eta ostiralean espero dezakegunaz. Musika ez ezik, ikuskizuna bera ere erabat aldatuta datoz arabarrak.

Naiz Irratia|01/07/2020

Ipar Euskal Herriko abertzaleen goranzko joera agerian gelditu zen aurreko igandeko udal hauteskundeen bigarren itzulian. Alkatetza garrantzitsuak eskuratu dituzte, Ziburu eta Urruñakoak, adibidez, eta beste hainbat herritan udal gobernuen parte izango dira, Hendaian esaterako. Bidasoako iparraldean hasi berri den aroa aztertu dugu Iker Elizalde EH Baiko kidearekin. 

Loading player...
Naiz Irratia|01/07/2020

Gure herriaren ezagutza sakona eta turismo jasangarria bultzatzea du xede 'Lurgida' aplikazioa eta webguneak. Hala bada, barne turismoari zein kanpo turismoari zuzentzen zaion tresna dira. Txoko eta egitasmo nahiz ospakizun ezberdinak bisitatzeko eta ezagutzeko aukera ematen dute. Gehiago jakin asmoz, proiektuaren sustatzaile den Udalbiltzako Jabi Asurmendi lehendakariarekin hitz egin dugu Naiz Irratian.

Loading player...
Bigarren Kafea|30/06/2020
Loading player...
Naiz Irratia|30/06/2020

Durangoko tren geltoki zaharraren orubean zer egin? Herritarrei galdetu nahi zien Udalak eta Espainiako Gobernuak baimendu berri du galdeketa. Herritarrek izango dute, beraz, azken hitza. Ima Garrastatxu alkateak «politika egiteko beste eredu bat» aldarrikatu du NAIZ Irratian. 

Loading player...
Naiz Irratia |30/06/2020

Loading player...
Page 14/ 143
FM Bilboaldea 92.2 · Gasteiz eta Lautada 91.5 · Donostialdea 93.8 · Durango 97.4 · Gernika 96.7· Leitza 95.1 · Bortziriak 103.1 · Urola 91.8 · Goierri 102.2 · Legazpi 94.6
@NAIZIrratia