Instrumentaziotik abiatuta nahikoa bitxia den proiektua da Su Lamina taldearena. Arreta eman zigun horrek eta kantuak entzuterakoan are bereziagoa zela jabetu ginen. Sexualitatea ertz guztietatik darien abestiak baitira haiek idatzitakoak. Indarra musikan eta mezu potenteak abestean eskaintzen dituzte lapurtarrek.

Bi disko labur kaleratu dituzte eta lehenengotik bigarrenera badago alderik, abeslarietan bereziki nabari dezakegu taldearen eboluzioa. Hizkuntza nahasketa ere badute, bakoitzak bere jatorria duelako eta modu desberdinetan idazteko hautua egin dutelako, nahiz eta gaitegian badituzten elementu komunak.

MusikHaria saioan izan dira diskoak aurkezteko.