2016tik hamar urte igaro direnean egingo ditu hamar ere Ongi Etorri Errefuxiatuak herri plataformak. Ordutik hona, ehunka dira elkarteak urte hauetan guztietan Euskal Herriko auzo, herri eta hirietan egin dituen ekintzak, besteak beste, harrera duinaren, erregularizazio administratiboaren eta errolda eskubidearen aldarrikapenaren inguruan.

Elena Altunak, plataformako kideak, azaldu du NAIZ Irratian 10 urte hauetan aldatu dela «jendartearen pertzepzioa», eta elkarteak horretan lanean diharduela. Atzerritartasun lege izan du hizpide: «legeak erabakitzen du pertsonen eskubideak desberdinak direala. Kezkagarriena da onartu egiten dugula». 

Hamargarren urteurrenaren aitzakipean deitu du plataformak topaketa, «10 urteko erresistentzia» ospatzeko. Bilboko San Frantzisko auzoko Mariaren Bihotza plazan izango duten lokal berria inauguratuko dute.