Adimen artifizialaren iritsierak tresna berriak jarri ditu norbanakoen eta profesionalen eskutan. Kazetaritzaren alorrean desinformazioa areagotzeko arriskua ageri da eta sektore zaurgarrienei eragiten die zuzenean, gainera.

Teknologia berri honek dakartzan aukerak eta arriskuak lantzeko mahai-ingurua antolatu dute NAIZek eta NAIZ Irratiak, honako parte hartzaileekin: Usue Mori, Ingenieritza informatikoan doktorea eta Adimen Artifizialean aditua; Simon Peña, Informazio Zientzietan doktorea eta Gureiker EHUko ikerketa taldeko kidea; Beñat Erezuma, irakaslea eta zientzia eta teknologian aditua eta Ane Urkiri, NAIZeko zuzendaria.