Jendez mukuru zela eskaini zuen ‘Hau errepikaezina izan da’ bira hasierako kontzertua Skabidean talde nafarrak Bilboko Kafe Antzokian. Disko berriko abestiez gainera klasiko batzuk ere jo zituzten, guztira 27 abesti eta ia bi orduko kontzertua. 

Hamabi urteko ibilbidea du Skabideanek eta bidean bost estudioko disko osatu dituzte, azkena aurten atera duten ‘Hau errepikaezina izan da’. Bada, orain zuzenean entzuteko aukera ere bada, NAIZ Irratiak eskainitako emanaldi berezia entzuteko aukera baitago goiko aldean eta baita ohiko plataforma digitaletan ere.