En direct
Heriotzak bizia hartzen duen gauean hilda zegoen gau beltza bera ere berpizten ari da
Urtearen heriotza heltzearekin batera Euskal Herrian bazen ohitura bat urte luzez desagertua egon dena. Egun, herriz herri eta poliki-poliki zabaltzen hasia da Gau Beltza edo Arimen gaua.
Heriotzak bizia hartzen duen gauean hilda zegoen gau beltza bera ere berpizten ari da
Atzerritik eratorritako Halloween indartzearekin batera alde batera geratu da garai batean hildako senideak omentzeko eta uzta bilketa ospatzeko egiten zen ospakizuna. Azken urteetan, ordea, zenbait herritan egin diren berreskurapen ahaleginen bitartez ospakizuna berrartu da. Horren adibide da Oiartzungo Abaraxka udal ludotekak duela hamarkada bat hasi zuen proiektua. Nekane Martiarena proiektuaren sortzaile-kideak xehetasun gehiago eman ditu NAIZ Irratiari eskainitako elkarrizketan.
Gau Beltzak, gaurkotasunera egokitu behar izan du egungo gizartearen errealitate konplexuan iraun dezan. Halloweenek sortzen duen kontsumismotik harago eginiko ospakizun bat da, «Etxeko trapu zaharren bitartez sortutako mozorroekin heriotzaren aurrean komunitatean eta alaitasunean ospatzean datza».
Gau Beltzaren berreskuratze lanean hamarkada bat ibili ondoren, pausu bat gehiago eman eta abesti zein ipuin bat argitaratu du Abaraxka udal ludotekak Oiartzungo herriarekin lankidetzan. Horrela, heriotzari merezi duen errespetuaz baina alaitasun kutsu batekin begiratzeko datorren gau ilunean.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Urteak daramatzat etxean lan onak egiten, eta plazan erakutsi nahi nuen noizbait behintzat»
«Epe luzera ari naiz lanean, nire bertsiorik onena topatu nahi dut zazpi-hamar urtera»
Bidasoak Europako hitzordua du astearte honetan; Anaitasunak, berriz, Kopakoa
