Biomediku batek, «kirolariaren osasuna bermatzeaz gain, errendimenduari begirako prestakuntza» egiten du, halaxe azaldu du bere lana Markel Arregi Basque Teameko biomedikuak. Euskal kirolarien errendimendua hobetzea da haren eginkizun nagusia. Joan den astean, adibidez, Naia Laso 15 urteko skater bermeotar gaztearekin batera lan egin zuen, Parisko hitzorduari begira.

Medikuntza ez ezik, Jarduera Fisikoa eta Kirol lizentziatura ikasi du Arregik, Alavesen, Athleticen eta Amorebietan egondakoa da.