Bitxikeria bat ere izan da topaketa hau. 30 urtez Bilboko arkeologia museoan egon baitira aztarna hauek. «Ez da horrelakoren bat gertatzen den lehen aldia» aipatu du Asier Gomez-Olivencia EHU-ko Geologia departamentuko kideak. Hezurren datazioari dagokionez, 150.000 urte baina gehiagokoak direla aurreikusi dute. Data hobeto zehazteko «indusketa gehiago eta testuinguru geologiko hobeak» behar dituztela adierazi du.

Harrigarria da, horrelako hezurdurek hainbeste urte igaro ostean izaten duten egoera ikustea. Horretarako, hezurrak inguratzen dituen ekosistema edo lursaila ezinbestekoa da. Aztarna hauen gotorlekua kobazuloa izan da, «kanpoaldearekin konparatuz, oso leku dinamikoa» dela esan du.

Aztarna horiek kobazuloetara nola heldu diren aztertzea izango da ikertzaileen hurrengo lanetako bat. Bestalde, gerora leku berdinean aztarna gehiago aurkitzea ez dute baztertzen. Lekua miatu ondoren, badirudi horretarako aukera egon daitekeela.