Lurrak babesten gaitu; baina horretarako, lurra zaindu egin behar da. Amillubi proiektua ezagutzeko aukera izan dugu NAIZ Irratian. Zestoako Amillubi baserriko lurretan kokatzen den proiektua da hau, eta Biolurrek abenduan jarri zuen martxan. Proiektu honekin Amillubi baserria zahar-berritu eta bertako lurrak babestu nahi dituzte modu kolektibo batean, bertan hainbat ekimen gauzatu ahal izateko. Hori posible egiteko, 390.000 euro eskuratu nahi dituzte. Amillubi proiektuaren inguruko xehetasun gehiago eman dituzte Ane Rivas proiektuaren koordinatzaileak eta Maider Zubikarai Biolur Elkarteko koordinatzaileak, NAIZ Irratian.