Usurbilgo lau gaztek osatutako rock eta stoner taldea da Ameba. 2019an sortu zuten proiektua; askotan geratzen den bezala, lagun arteko giroan. Baina joan dira urratsez urrats, pausoz pauso, hainbat estilorekin esperimentatuz, distortsioari eta doinu gogorrei melodia uztartuta, eta ondu dute haien lehen lana: Elikatuz. Ameba dira: Malen Azpiazu, ahotsean, Aritz Zabaleta, gitarrarekin; Jon Mikel Azpiazu, baxuan, eta Enara Eizagirre bateria astintzen.

Bigarren Kafearen estudiora gerturatu dira eta hiru kanta abestu dizkigute.