Askotariko emakumeak, anitzak eta hauen munduak irudikatu ditu Uxue Bereziartuak '41 habitat eta gehiago' online erakusketan. Abenduan ikusgai egongo den erakusketa www.berexiart.com, artisataren webgunean dago ikusgai.

Erakusketako irudi nagusiak Uxue Bereziartuaren ilustrazioak badira ere, "Habitat" horiek marrazterakoan, beste hainbat emakume artisaten kolaborazioa ere izan du: Maider Alday, Edur Kortabarria, Sandra Urra edota Izas Arzuaga, beste batzuren artean.

Pandemia garaian, barrura begiratzeko  lehio bat zabaldu nahi izan du artistak, eta hortik 41. habitat-aren proposamena. Izan ere, azken emakumea ikuslea bera da, eta gonbitea luzatzen du Berzeiartuak norberak bere habitat-a irudikatzeko.

Printzipioz, abendua amaierarte izango da ikusgai erakusketa, baina luzatzeko aukerarik bada, ikusleen harreraren baitan.