En direct

Naiz Irratia

'Feminizidio' terminoa lehen aldiz irrati kate publiko frantziarrean

Baionako hilketa matxista 'feminizidio' bezala kalifikatu du lehen aldiz Frantziako Irrati Kate Publikoak. Terminoek, hitzek, pisu asko dute; batik bat, kontuan hartuta orain arte 'etxe barruko arazo edo liskar' bezala tratatu izan dituztela Ipar Euskal Herrian eta Frantziar Estatuan. Idoia Eraso lankideak honi buruz eta herritarrengan dagoen pertzepzioaz hitz egin du.

Audio_placeholder

'Feminizidio' terminoa lehen aldiz irrati kate publiko frantziarrean

Loading player...
Larresoron eraso sexisten kontra egindako elkarretaratze bat
Larresoron eraso sexisten kontra egindako elkarretaratze bat

Bere emaztea hiltzea leporatuta atxilotu duten 52 urteko gizonezkoa Baionako espetxean dago. Ostegunean eramango dute epailearen aurrera. 'Pasio krimena' edo 'drama familiarra' bezala landu izan dituzte orain arte hilketa eta eraso matxistak frantziar hedabideek. Gaur, lehen aldiz, Baionakoa 'feminizidioa' izan dela esan du Frantziako Irrati Kate Publikoak.

Idoia Eraso lankideak gaia gertutik jarraitu du eta termino aldaketak herritarren pertzepzioa aldatzen ari denaren erakusletzat jo du. 'Feminizidio' hitza erabiltzea gizartearen arazo sozial bezala tratatua izateko zantzu bat izan daiteke.

Pasaden irailean indarkeria sexistaren inguruko hausnarketa eta eztabaida prozesua jarri zuen martxan Emmanuel Macronen gobernuak. Aldaketak etor daitezke bertatik, baina kalean terminoak ez ezik, kalera erasoak arbuiatzeko ateratzen diren lagunen kopuruak gora egiten dihardu. Aldaketak urratsez urrats egiten dira, herritarrek bultzatuta, erakundeek eta eragileek lagunduta. Hitzak askatu eta termino zuzenak erabiltzeak garrantzia handia duela ezin uka: 'feminizidioak' indarkeria etxetik kanpo kokatzen du, gizartera gerturatu eta arazo politiko bilakatzen du.

Jaurlaritza Logoa