Naiz Irratia|2019/10/15

Gaurko egunez, duela 79 urte fusilatu zuten Lluis Companys i Jover Kataluniako presidentea. Generalitateko ordezkariek omenaldia egin diote Montjuicen. Gestapok atxilotu zuen Companys Frantzian, 1940ko abuztuaren 13an. Gestapoko kide zen Pedro Urraca Rendueles, atxiloketan parte hartu eta urte batzuk beranduago Espainiak saritu zuen faxista.

Loading player...
Naiz Irratia|2019/10/14

Espainiako Auzitegi Gorenak preso kataluniarren inguruan ateratako epaia aztergai Beñat Zaldua lankidearekin. Sentetzia bera oso politikoa dela uste du Zalduak. Ekintza juridikoetaz haratago, zigortuak gutxiesteko asmoa nabari zaio epaiari.

Loading player...
Naiz Irratia|2019/10/14

Espainiako Auzitegi Gorenak sententzia atera eta berehala, milaka herritar atera dira kalera Katalunian, tartean han bizi diren euskal herritarrak. Bartzelonako kaleetatik mintzatu zaizkigu Ioseba Landa, Miren Azpiri eta Ekaitz Garate.

Loading player...
Naiz Irratia|2019/10/14

Gure Esku Dagok elkarretaratzeak deitu ditu arratsalderako herri eta auzoetako plazetan, eta larunbaterako manifestazioa Donostian. «Larrialdi demokratikoari» Euskal Herrian ere erantzun bateratua ematearen premiaz ohartarazi du.

Loading player...
Naiz Irratia|2019/10/11

Igandean neurtuko dituzte indarrak Errealak eta Althleticek Anoetan. Liga hasi berritan, biek ez dute momentu bera bizi. Baina derbia beti da derbia eta motibazioz jokatuko dute bi taldeek. «Edozer» gerta daiteke Amaia Ugarte kirol kazetariaren esanetan.

Loading player...
Naiz Irratia|2019/10/11

SOS Arrazakeriak taldeak zortzigarrenez antolatu du Bizilagunak ekimena. Azaroaren 17an egingo da. Euskal Herriko familia baten eta kanpotik gurera etorritako beste baten arteko bazkaria. Hori da ekimenaren funtsa. Helburua, Ines Huarteren hitzetan, «ezezagun zaigunaren gaineko aurreiritzi eta estereotipoak desegitea, baita pertsona etorkinentzat eta hemengo familientzat gizarte sareak eraikitzea».

Loading player...
NAIZ IRRATIA|2019/10/11

GARAren espolioari aurre egiteko zortzi artisten lanekin ari da garatzen ArteaGARA ekimena. Koldobika Jauregi, Jose Antonio Sistiaga, Dora Salazar, Jose Luis Zumeta, Irantzu Lekue, Juan Gorriti, Jesus Mari Lazkano eta Gonzalo Etxebarriaren lanekin erakusketa ireki dute NAIZ gunean. Edizio berezi batean salgai daude dagoeneko. 

Loading player...
Naiz Irratia|2019/10/10

Imanol Salinas eta Jotas Oses LAB sindikatuko kideak ez dira Huerta de Peraltako grebarekin lotuta beren aurkakoepaiketara agertu. Bertan, Fiskaltzak urtebeteko kartzela zigorra eskatzen du Huerta de Peraltako greban eginiko protesta ekintza baketsu batengatik. Horri erantzuteko, sindikatuko eta hainbat kolektibo sozialetako lagunek dozenaka autoinkulpazio idatzi erregistratu dituzte Iruñeko epaitegian. Imanol Salinasek epaiketara ez joateko arrazoien berri eman digu.

Loading player...
Naiz Irratia|2019/10/10

Stop Kaleratzeak plataformak elkarretaratzea egin du Donostian, Lakuako gobernuaren egoitzaren aurrean, salatuz gurasobakarrak diren eta adin txikiko umeak dituzten hainbat familia Intxaurrondoko etxebizitza publiko batzuetatik kaleratu nahi dituela Urkulluren gobernuak kontratua amaitu zaielako. Plataformako kide Gorkak azaldu digu egoera.

Loading player...
Naiz Irratia|2019/10/10

Itsas Salbamendu Humanitarioa Gobernuz Kanpoko Erakundeak kudeatzen duen Aita Mari ontziak Mediterraneora joateko Madrilen baimena jaso du azkenean, baina erreskateak egiteko debekua ezarri diote. Asmoa datorren asteazkenean Greziara abiatzea da. Amaia Martinez Aita Mariko kideak gogoratu du legeak zehazten duela arriskuan dauden pertsonak jaso egin behar direla, «ezin da inor itsasoan utzi».

Loading player...
Orria 88/ 90
FM Bilboaldea 92.2 · Gasteiz eta Lautada 91.5 · Donostialdea 93.8 · Durango 97.4 · Gernika 96.7· Leitza 95.1 · Bortziriak 103.1 · Urola 91.8 · Goierri 102.2 · Legazpi 94.6
@NAIZIrratia