Naiz Irratia|2019/10/11

SOS Arrazakeriak taldeak zortzigarrenez antolatu du Bizilagunak ekimena. Azaroaren 17an egingo da. Euskal Herriko familia baten eta kanpotik gurera etorritako beste baten arteko bazkaria. Hori da ekimenaren funtsa. Helburua, Ines Huarteren hitzetan, «ezezagun zaigunaren gaineko aurreiritzi eta estereotipoak desegitea, baita pertsona etorkinentzat eta hemengo familientzat gizarte sareak eraikitzea».

Loading player...
NAIZ IRRATIA|2019/10/11

GARAren espolioari aurre egiteko zortzi artisten lanekin ari da garatzen ArteaGARA ekimena. Koldobika Jauregi, Jose Antonio Sistiaga, Dora Salazar, Jose Luis Zumeta, Irantzu Lekue, Juan Gorriti, Jesus Mari Lazkano eta Gonzalo Etxebarriaren lanekin erakusketa ireki dute NAIZ gunean. Edizio berezi batean salgai daude dagoeneko. 

Loading player...
Naiz Irratia|2019/10/10

Imanol Salinas eta Jotas Oses LAB sindikatuko kideak ez dira Huerta de Peraltako grebarekin lotuta beren aurkakoepaiketara agertu. Bertan, Fiskaltzak urtebeteko kartzela zigorra eskatzen du Huerta de Peraltako greban eginiko protesta ekintza baketsu batengatik. Horri erantzuteko, sindikatuko eta hainbat kolektibo sozialetako lagunek dozenaka autoinkulpazio idatzi erregistratu dituzte Iruñeko epaitegian. Imanol Salinasek epaiketara ez joateko arrazoien berri eman digu.

Loading player...
Naiz Irratia|2019/10/10

Stop Kaleratzeak plataformak elkarretaratzea egin du Donostian, Lakuako gobernuaren egoitzaren aurrean, salatuz gurasobakarrak diren eta adin txikiko umeak dituzten hainbat familia Intxaurrondoko etxebizitza publiko batzuetatik kaleratu nahi dituela Urkulluren gobernuak kontratua amaitu zaielako. Plataformako kide Gorkak azaldu digu egoera.

Loading player...
Naiz Irratia|2019/10/10

Itsas Salbamendu Humanitarioa Gobernuz Kanpoko Erakundeak kudeatzen duen Aita Mari ontziak Mediterraneora joateko Madrilen baimena jaso du azkenean, baina erreskateak egiteko debekua ezarri diote. Asmoa datorren asteazkenean Greziara abiatzea da. Amaia Martinez Aita Mariko kideak gogoratu du legeak zehazten duela arriskuan dauden pertsonak jaso egin behar direla, «ezin da inor itsasoan utzi».

Loading player...
NAIZ IRRATIA|2019/10/10

Ospakizun urtea du aurtengoa 'Argia'-k. Ehun urte bete ditu eta urte osoan antolatutako ekimenen baita ospakizuna izango du aldizkariak asteburu honetan. 'Deskoloniza gaitezen' izenburua jarri diote festari. 

Loading player...
Naiz Irratia|2019/10/09

Altsasuko gazteen kontrako sententzia atera berritan, Aritz Leozek, 'Altsasukoak Aske' plataformako lagunak, «injustiziak jarraitu» egiten duela deitoratu du. «Itxaropena genuen gure lagunak kalean ikusteko eta ez da hala izan; amorrua handia da», gehitu du. «Mobilizazioekin jarraitzeko arrazoi potente bat dugu, eta erantzun irmoa emango diogu sententziari», esan du Leozek.

Loading player...
Naiz Irratia|2019/10/09

Espainiako Auzitegi Gorenak ateratako epaiak «jota» utzi duela aitortu digu Bel Pozuetak, Altsasuko gazteetak baten amak. Prozesuan «terrorismo» delitua kendu zieten gazteei, baina zigorrak «hori leporatuta balira bezala» direla salatu du. Jendarteari deia egin dio Pozuetak: «beste etorkizun bat eraikitzeko behar zaituztegu, ez geratu etxean».

Loading player...
Naiz Irratia|2019/10/09

Espainiako Auzitegi Gorenak ateratako sententzia «guztiz negatiboki» baloratu du Amaia Izko abokatuak. Kanpoko «presio eta bulkadak» albo batera utzi eta Gorenak irakurketa juridiko «sakonagoa» egitea nahi zuten, «baina ez da horrela izan». Beste instantzietan helegitea jartzeko aukera dute, ordea, zigortutako gazteek eta senideek erabaki behar dutela hori esan digu.

Loading player...
NAIZ IRRATIA|2019/10/09

Denok eskura dugun teknologia garapenak jaso du aurtengo Kimika Nobel Saria. Litio-ioziko bateriek. Elhuyarreko Ana Galarragak azaldu digu teknologia honen garrantzia. 

Loading player...
Orria 16/ 18
FM Bilbo 92.2 · Gasteiz 91.5 · Donostia 93.8 · Gernika 96.7· Leitza 95.1 · Bortziriak 103.1 · Urola 91.8 · Goierri 102.2 · Legazpi 94.6
@NAIZIrratia