Energia berriztagarrien bidean, urratsez urrats Hernanin ere
«Mugarria» izan daitekeen hitzarmena iragarri zuen Hernaniko Udalak pasa den astean, udal eraikinetan eguzki plakak ezartzeko proiektua aurkeztean. Beste herrientzat ere eredu izan daitekeela uste du Xabier Lertxundi alkateak.
Arakatzaile honek ez du audio elementua onartzen.
Autokontsumoan eta energia berriztagarrien erabilpenean urratsak eman behar dituzte instituzio publikoek hurrengo urteetan. ‘Zer’ galdegaiaz gain, ‘nola’ ere erabakigarria izan daiteke. Hernanin pasa den astean aurkeztu zuten hitzarmenak gainerako udalerrientzat eredu izateko osagaiak badituela uste du Udalak. Irabazi asmorik gabeko energia komunitate baten eskutik ezarriko dituzte eguzki plaka udal eraikinetan. Ikuspegi luzeagoko bide baten osagaia da proiektu hau, Xabier Lertxundi alkateak NAIZ Irratian azaldu duenez.