Atalase Anaerobikoa: Kirol errendimendua hobetzeko gakoa
Atalase anaerobikoa funtsezko kontzeptua da kirolean eta entrenamendu fisikoan, baina pertsona askok ez dute ezagutzen. Iñaki Arratibel kirol-medikuarekin batera, modu erraz eta praktikoan aztertu dugu termino horrek zer esan nahi duen, nola neurtzen den eta zergatik den hain garrantzitsua.
Arakatzaile honek ez du audio elementua onartzen.
Atalase anaerobikoa ulertzeak eta entrenatzeak erresistentzia hobetzen laguntzeaz gain, intentsitate ertain eta altuko jardueretan zure errendimendua optimizatzen ere laguntzen dizu. Honek adierazten du zure gorputza zer puntutan hasten den azido laktiko gehien metatzen ken dezakeena baino, «eta horrek mugatu egiten du esfortzuari eusteko gaitasuna», Iñaki Arratibel kirol medikuak aipatzen duenez.
Solasaldian, zure atalase anaerobikoa nola neur dezakezun azaltzen dugu, proba profesionalen bidez edo etxean, pultsometro eta entrenamendu kontrolatuekin. Gaitasun hori indartzeko zure entrenamendu-astea nola egituratu beharko litzatekeen ere azaldu digu Arratibelek «intentsitate baxuko saio aerobikoak, atalasetik hurbil dauden tarteak eta horren gaineko ahaleginak konbinatuz, laktatoarekiko tolerantzia areagotzeko».