«Batzuetan badugu beldur handi bat punk eszenan maitasunaz hitz egiteko»
Joseba Agirre Azken Sustraiak taldeko kantariak izan du beste talderen bat, baina Azken Sustraiak taldearekin ospe handia lortu du punk eszenan. Letra samurrak gordinekin uztartuta, entzuleari hurbildu nahi dio bere pentsamendua.
Arakatzaile honek ez du audio elementua onartzen.
Joseba Agirre Azken Sustraiak taldeko abeslariak ahots lakarra du, baina sentsibilitate handiko pertsona da. «Batzuetan badugu beldur handi bat gure punk eszenan maitasunaz hitz egiteko», aitortu du. «Familia, batasuna eta horrelako hitzak asko erabiltzen dira punk eszenan, aldiz gutxitan maite zaitut»bat erabiltzen dira. Agirrek dio, noski, beraiek ez direla lehenak izan eta horren adibide jarri du Zartako-K taldearn 'Rude girl' abestia. Baina «'Hilezkorra' abestian 'maite zaitut' esaldia entzuteak jendea txunditu» zuela kontatu digu Otea Lili saioan.
Talde hauen abestiak aukeratu ditu Joseba Agirrek: Azken Sustraiak, Yacovlev 42, Brigada Criminal, Glaukoma. Hausnarketa natural eta goxo atera zaio Otea Lili irratsaioan. Erraz entzuteko solasaldia da.