«Kirola, hizkuntza eta lurraldetasuna batuko ditugu aldarrikapen eta kirol ekitaldien bitartez»
Kirola, hizkuntza eta lurraldetasuna ardatz hartuta ekitaldi sorta antolatu dituzte irailaren 21ean Leitzan Gu ere bai, Euskal Herrian Euskaraz eta Gure esku herri ekimenek. Leitzako udala eta Tximutxe herriko euskara taldearekin antolatu dute eguna.
Arakatzaile honek ez du audio elementua onartzen.
Datorren irailaren 21ean, larunbatarekin, kirol ekitaldi sorta izanen da Leitzan. Euskal herri kirolari gisa mundu osoan ezaguna da Leitza eta bertako kirolariak Euskal Herrian eta nazioartean oihartzun zabala izan dute. Herri euskalduna da Nafarroakoa. «Kirola, hizkuntza eta lurraldetasuna batuko ditugu aldarrikapen eta kirol ekitaldien bitartez», dio Patxi Gaztelumendi "Gu ere bai!" ekimeneko kideak.
Goizean hasita kirol erakustaldi ugari izanen dira Leitzako frontoian. Eguerdian omenaldi berezia egingo diote eta bertan, Leitzako Euskal Herria Mendi Erronka lasterketa, Tuterako Union Tutera kirol taldea eta Xabier Amuriza idazle eta bertsolaria omenduko dituzte, «Hitzaren kirol nazionala kontzeptua asmatzeagatik». Amuriza izan zen, gainera, Euskal Herrian euskaraz abestiaren letren sortzailea.
Pilota partidekin bukatuko da irailaren 21eko egitaraua, non besteak beste kirola, hizkuntza eta lurraldetasuna aldarrikatuko duten ekimen honen antolatzaileek.