Bainujantziak, toldozainak, sorosleak eta superazio istorio bat Zarauzko Kosta ala Kostan

Uda beteko giroa nagusitu da Kosta ala Kostaren azken saioetan eta Zarauzkoan hondartzako ezinbesteko langileak izan dira protagonista. Mikel Portularrume soroslearekin ohiko arazo eta erronkak izan ditugu hizpide; gainera, Zarauzko ikono ere badiren hondartzako toldoez ere hitz egin dugu, bi toldozainekin. 

Bainujantziek diseinurako bide oparoa eskaintzen dute, ziur aski kolore gehien eskaintzen duen jantzia ere bada. Marta Arribas bainujantzi diseinuan aritu ohi da eta azken joerak ekarri dizkigu. 

Ibon Oregi kirolaria ere izan dugu lagun, superazio istorio izugarri baten lekuko da. Istripu larri batek kiroletik kanporatzeko bidean jarri zuen, baina ez zuen etsi eta punta-puntan ari da.