Zer giro?
Kepa Diegezek 'Eguraldiaren euskara' liburua aurkeztu digu Durangoko azokan. Herriz herri egunerokoan erabiltzen diren arotitzak (eguraldiari buruzko hitzak) jaso ditu bertan saiakera nobelatu formatuan.
Arakatzaile honek ez du audio elementua onartzen.
Euskal Herriko txoko desberdietako solasaldietan gai bat errepikatzen bada egunerokoan, hori zalantzarik gabe eguraldia da. Zenbat denbora, eta batik bat zenbat hitz eskaintzen ote dizkiogu, bero, hotz euri edo haize kontueri! Mordoa inondik inora ere, eta txoko bakoitzean bere aldaeran gainera.
Hain zuzen ere, aberastasun horri erreparatuz ‘Eguraldiaren Euskara. Aro-bidaia Euskal Herrian Barrena’ liburua argitaratu du Alberdania argitaletxearekin Kepa Diegez filologoak. Saiakera nobelatu bezala definitzen du: alde batetik baduelako irakasteko, azaltzeko intentzio bat liburuak. Baina bestetik badu eleberritik, kontakizunetik ere. Gtxon hasi eta Euskal Herriko mugetatik haruntzago (Biarnon) amaituko den bidaia proposatzen du Diegezek, protagonista berezi bat lagun hartuta: aro-bidaiaria.
Denbora- bidaiari batek ez bezela, ez du atzera-aurrera egiten denboran barrena, beti aurrera baino, herriz herri. Geldialdi bakoitzean bertakoen solasaldietan belarria jarri eta erabiltzen dituzten arotitzen (eguraldiari buruzko hitzak) bilduma egiten du.
Durangoko Azokan azaldu dizkigu Kepa Diegezek liburu honen nondik norakoak.