Firfiran | Gorria

Hilekoa abiapuntutzat duen kontakizun erotikoa idatzi zuen Perlata Punk Rock taldeak. Ahotsa, musika eta soinu-efektuak jarri dizkiegu euren hitzei 'Firfiran' podcastean. Lehenengo atala entzungai dago jada. 

«Ni eta nire gorputza, orain, hemen. Azala azalaren kontra, ukitzen, maitasunez, beste norbaitena balitz bezala deskubritzen. Lehengo aldiak duen zer berezi hori behin eta berriz bizitzen».

Mikaren bakarrizketa batekin abiatzen da 'Gorria' kontakizun erotikoa. Lasai dago, etxeko bainuontzian, odolak bere bidea egiten duen bitartean. Hori izango da sexualitatez jositako kontakizunaren abiapuntua. 

Lehenengo atala dagoeneko entzungai duzue.