Teknikariak ere kultura abiatzeko zain

Mattin Epelde  eta Pello Gorrotxategi 'Uhina' eta 'Aieka' sonorizazio enpresetako teknikariak dira, eta gurekin izan dira 'Bigarren Kafea'-n. Musikaren industriari eskaini ohi diogun tartean, sektore kaltetuenetakoa dena  ekarri dugu gurera ere. Ez dute aurreikuspen zehatzik eta handiak dira zalantzak. Koronabirusa iritsi aurretik prekarioa zen teknikarien egoera, eta oraingo egoerak makurtu du panorama. Egindako inbertsioak, teknikarien baldintzak hobetzeko eginiko urtetako lana... dena dago airean une honetan.