«Baserritarrez janztea ekintza sozial bat da»

Baserritar jantziak presente ditugu gure herri eta hirietan Gabon garaian. Baina zer dakigu gure kulturaren elementu honi buruz? Jantzi tradizionaletan aditua den Ane Albisurekin mintzatu gara gaiaz.

Baserritar jantziari buruzko ikerketa ari da egiten Ane Albisu azken 30 urteetan. Ikerfolkeko partaide, Atondu proiektuaren zuzendari eta XXI. Menderako proposamena deritzon liburuaren egilea da. Une honetan Baserritar jantziari buruzko doktore tesia egiten ari da. Hitzaldiak eskeintzen ditu kultur etxe, museo nahiz unibertsitateetan. Gure kulturaren, euskal kulturaren atal ahantzia da baserritar jantzia, bere esanetan.