Gaurkoan termometroak lehertzera doaz Beroa saioan, udako distira argiaz haratago, rockaren alderdirik ilun eta basatienean murgilduko garelako. Danzig zein Deftonesen uda itogarrietatik hasi, eta Hendrixen edo Afghan Whigsen pasio sutsuraino bidaiatuko dugu. Bidean ez dira faltako Faith No Moren barne eromenetik sortutako paranoiak eta giza grinak. Berri Txarrak eta Kuraiaren keak euskal rockaren gordintasuna ekarriko digu burura. Ta amaitzeko, kapitalismoaren suan dantzatzera gonbidatuko gaitu Rage Against The Machinek.