Bardozeko azken finalaurrekoan erabaki da Xilaba 2026ko finala. Azken saio horretan puntu gehien jaso zituen Maddi Ane Txoperena eta Baigorrin gauza bera egin zuen Miren Artetxe izango dira finalean eta honako lau bertsolariak izango dituzte oholtzan kide: Aitor Servier, Irantzu Idoate, Maddalen Arzallus eta Elixabet Etxandi. Hiruk lehen aldiz kantatuko dute finalean, Servierrek, Idoatek eta Etxandik. 

Datorren asteko saioan hartuko dugu tartea sei finalistek txapelketa honetan egin duten lana gogoratzeko, oraingoan Bardozeko kanporaketan geratuko gara.