Kanpainaz zein errefuxiatuen kanpalekuetako egoeraren berri izateko, NAIZ Irratian izan dugu Josu Etxaburu, Ondarroako Yaalah elkarteko kidea. Saharararrek bizi duten okupazio egoera salatu du, elkarteko kidearen esanetan «sahararrak tinko diraute bere autonomia aldarrikapenenan». Etxaburuk saharar herriak atzera pausorik ez duela egingo azpimarratu du, eta beren autodeterminazio eskubidea aldarrikatzen jarraituko dutela. «Eskatzen ari dira mahairatu diren ebazpenei jaramon egitea eta behingoz deskolonizazio prozesuari amaiera ematea».

Oporrak Bakean harrera kanpainaren inguruan zenbat familia hartzaile behar dituzten galderari erantzunez, «ahal diren gehienak» behar direla esan du. «Gogoratu behar da 50 urtetik beherako belaunaldi oso bat bertan jaioa dela, lurra lapurtu diete, eta etorkizuna lapurtu nahi diete, ez dute lortuko». Etxaburuk gogora ekarri du udako hilabeteetan Saharan bizi duten klima gogorra, 50 gradu inguruko egun luzeekin. Hortaz, ahalik eta familia euskaldun gehienek ume shararrak jasotzeko deia luzatu du.