Gaur ezjakintasunaren ausardia hori goraipatuko dugu, eta mundu mailan izan diren lehen album edo debut arrakastatsu batzuen inguruan hitz egingo dugu, horiek musikari ekarri dioten aurrerapausoak zehazte aldera. Musika generoak irauli dituzten disko fresko, irreberente eta ausartak. Ai, zein pozik bizi ginen batzuk oraindik ezer atera gabe geundenean, etortzear zegoen guztiaren ezjakin ginenean!

Atal honetatik gehienbat nazioarteko artistak igaroko dira gaurkoan: Florence and the Machine taldearen ‘Lungs’ diskoa, non pop fresko bat entzun daitekeen; Guns n Rosesen ‘Appetite for destruction’, zeinarekin hard rocka betirako aldatu zen; edota punka definitzen lagundu zuen The Clash taldearen lehen disko homonimoa.

Jimmi Hendrixen ‘Are you experienced?’ lanak, halaber, gitarra-jotzailearen figura artista bakarlari gisa ulertzeko gakoak eskaini zituen, eta ‘Songs in A Minor’, Alicia Keysenak, bestalde, r&b musika lehen lerrora ekarri. Rapean ere murgilduko gara gaur; Wu-Tang Clanen eta Notorious B.I.G.ren lehen lanen freskotasuna gogora ekarriz. Eta, izan direlako garenez, azken urteotako sorpresa berriren bat ere goraipatuko dugu, Billie Eilish-en lehen lana edota Chill Mafiaren ‘Ezorregatik x Berpizkundea’, kasu.