Assane Diopek diamantezko lepoko garesti bat lapurtzeko asmoa du, garai batean Marie Antoinetterena zen diamantezko lepokoa. Garrantzitsua da hau berarentzako. Lapurreta emozionala, nolabait esatearren. Izan ere, 25 urte lehenago, bere aita Babakarri leporatu zioten Pellegrini familia aberatsari lepoko hori lapurtu izana. Beraz, ez da lapurreta soil bat. "Paul Sernine" ezizenarekin, Assane lepokoaren enkante batera joaten da, Louvre Museoan Pellegrini familiak antolatutakoa. Berak egiten du eskaintza irabazlea, eta dena prestatzen ari direla, bere kideek museoko segurtasun zaindariz mozorrotuta, lepokoa lapurtzen dute.

Debbie Ocean, Danny Oceanen ahizpa gaztea, Lou Miller bikotekide ohiarekin elkartu da lapurreta berri bat planifikatzeko. Helburua Toussaint-a da, 150 milioi dolarreko diamantezko lepokoa, Cartierrena. Debbieku Metropolitan Museum of Art-en egingo den Met Galan lapurtu nahi du. Plana gauzatzeko, Debbie eta Louk espezialista talde bat biltzen dute: Rose Weil, moda diseinatzaile borrokalaria; Amita, bitxigile trebea; Nine Ball, hacker trebea; Constance, kaleko lapur eta patrikaria; eta Tammy, lapurtutako ondasunak saltzen dituen ama.

Bi hauek fikziozko lapurretak dira; lehenengoa, 'Lupin' telesailarena eta bigarrena, 'Oceans's 8' filmekoa. Baina atzo Louvreko Museoan egindako lapurreta bene-benetakoa da. 

Arte lapurretetaz aritu gara Bigarren Kafean.