Musikazaleek hitzordu berria dute NAIZ Irratian, Orain Entzuten saioarekin. Lehen saio honetan gaur egungo gitarren soinua izan dugu oinarri. Deftones, CMAT, Maruja eta Wet Leg taldeen lan berriak errepasatu ditugu.

Gainera, neguan izango dugun bisita baten berri ere eman dugu, Wednesdey Bilborocken arituko da martxoan. Zuzenekoekin jarraituta; Dena, Rodeo eta Coheed And Cambria ere entzun dugu: kontzertuak eman behar dituztelako edo biran egon direlako.

Cobraren EP berriaren aurrerapen bat ere entzun dugu eta urteari errepaso orokor bat eman nahian, urtarrileko disko aipagarri bi ekarri ditugu saiora.

Pasa den mendeko eta mende honetako klasiko batzurekin itxi dugu saioa: Guns N’ Roses, Pearl Jam, Ben Howard eta Boygenius.